УИХ дахь МАН, АН-ын бүлгүүд өнөөдөр 10.00 цагаас хуралдана. Намын бүлгүүд даваа гариг бүр хуралдаж цаг үеийн асуудал болон тухайн долоо хоногт УИХ-аар хэлэлцэх хууль, тогтоолын төслүүдийг хэлэлцдэг юм. УИХ энэ долоо хоногт дараах төслүүдийг хэлэлцэхээр төлөвлөөд байна.
- Үндэсний баялгийн сангийн тухай хуульд нэмэлт, өөрчлөлт оруулах тухай хуулийн төсөл,
- Стратегийн ач холбогдол бүхий ашигт малтмалын ордын төрийн эзэмшлийн хувь, хэмжээг орлуулах тухай УИХ-ын тогтоолын төсөл,
- Санхүүгийн зохицуулах хорооны орон тооны бус гишүүнд нэр дэвшүүлэх тухай асуудал,
- Байнгын хорооны тогтоолын төсөл (Ерөнхий сайд, Засгийн газрын гишүүнээр томилогдсон УИХ-ын гишүүн чуулганы ажиллагаанд оролцох журам батлах тухай)